講開錢，真係想講吓廿八蚊最低工資呢個話題，廿八蚊，究竟可以做啲乜呢？今日撐上「 Loft15」問吓人先。呢間場雖然無拳手，不過靚女多的是，靚女客人阿詩是其一，問佢廿八蚊會點使？「廿八蚊， Happy Hour飲支酒就夠嘅，做六個鐘咪可以飲一 Set囉！都係唔得，十間酒吧九間都有加一，即係要做足七個鐘先得。做成日先有餐酒飲吓，有時都唔明啲人點解可以咁無良心，將工資定到咁低，香港人辛苦打工最尾都係無錢用，可悲。」
■全場大梳化，坐得舒服飲得暢快。
雖然阿詩講得輕鬆，但都聽得出佢對社會不滿，唔好愁，請佢飲番兩支啤酒順順氣，反正呢間場酒水唔貴，歡樂時光$118，正價$198，大酒$780，三支$1,780，任飲平日男士$250、女士$150，星期四女士之夜靚女免費，男士$280， Weekend男士$280、女$220，記住星期日休息，唔好摸門釘。
■ Weekend間唔中都有 DJ打碟。
■靚女愛坐長吧頭飲 Cocktail，識揀位啦。
（地址：尖沙嘴亞士厘道 23至 25號雅士利中心 15樓）
