至愛飲歌之六：老餅至有飲歌 Tempo

早幾日上「 Tempo」玩，環境唔同晒，梳化大張又靚仔，坐得舒服唔在講，連鏢機都多過人，除咗舊有鏢機外，仲有部 Online鏢機，有新嘢玩梗係好啦！更估唔到嘅係以前清吧場，家多咗幾個拳手，有靚女識，我就幾時都咁贊成，仲要係靚到嘩嘩聲嗰隻，一星期嚟六晚都唔過份啦！拳手綺雯靚女之餘，仲有 Model高度，好吸引。



■有 Online自然有手指機玩啦！


large

■大酒飲唔晒，留起佢下次飲啦！


問靚女有乜飲歌？綺雯：「呢個年代仲邊有人話飲歌 o架，個個都識唱晒所有歌 o架啦，飲歌係啲上年紀嘅人先會有啫，點睇我都仲係青春少艾啦！」飲歌等同老餅？聽落又怪怪哋，不過，諗諗吓都有啲道理，通常啲阿叔唱 K都會同人講我唱首飲歌俾你聽！雖然唔係好認同，不過又真係似層層，所以都係唔好心諗，捉綺雯猜枚轉移視線好過。提到飲酒猜枚，又梗要報埋酒水，歡樂時光啤酒$132一 Set，正價就$196一 Set，大酒$680，三支$1,800。任飲平日男士$250，女士$200， Weekend就男士$280、女士$250，價錢貴唔貴？對番環境質素又值嘅！

large

■鏢機夠多，嚟掟鏢就最啱！


large

■環境夠晒大，幾多人嚟都唔覺逼。


（地址：尖沙嘴厚福街藍馬商業大廈 3樓）