■唱 K有大投射，夠晒 High！
另外，星期日又有 BBQ之夜，每位$58任食 BBQ，肉類海鮮擦餐飽，抵啩！其他日子酒水嘅收費：歡樂時光啤酒$20一支，正價時段就$30支；大酒$680。嚟緊聖誕想搞 Party，包場都係$3,888，有飲有食有場地，唔使煩去邊個 Friend屋企！
介紹完場，又梗係搵老友 Kinki吹吓水，「都唔係無辦法，巴塞都唔係無敵啫，今年都試過輸波啦，計我話，只要凍結到美斯同沙維就有機會；攔唔住佢哋，出重腳都要，仲有前鋒唔好縮咁後，等佢唔可以有恃無恐，咁樣可能有得打吓啩！」
■一個人坐吧頭睇波都好正。
■包場$3,888，有好多小食同飲品 o架。
■有 K唱，仲有 Wii打，酒吧少有。
（地址：荃灣青山道 415號地下）
