大堂有舒適嘅梳化，另一角有用上強化玻璃裝飾嘅地板，底下嘅水池滲透住藍色燈光，又採用大玻璃設計，令整體感覺開揚，情調優雅。加上闊大嘅舞池， Clubbing氣氛更正。呢度逢星二、四同埋六，會有駐場 DJ Lazy Ming打碟；至於今晚，就更一定有啦！
唔想坐大廳，呢度有三間大小不同嘅 VIP房畀你揀，又係啱晒開 Party。另值得一提嘅係吧頭嘅設計，用上鏡面作點綴，不但令空間感大增，而且長形嘅設計令酒吧更顯堂皇。酒水方面，今晚全場任飲，男士$450、女士$350。想 Book枱就快手嘞！
好嘞，又講番本周話題。呢間場有度好，就係一定有靚女，好似 Fanny就係呢度熟客仔，「講踢波我邊識，我淨係識曼聯同美斯，就呢單轉會得唔得 o架？」無話唔得嘅，但可能性超低囉；不過靚女都盡咗力答，梗唔會怪佢啦！
■中間有大舞池，當然可以勁舞一番啦。
■吧頭設計夠晒有型。
■好耐都未見過酒吧有咁靚嘅魚缸嘞！
■逢二、四、六都有 DJ打碟。
（地址：尖沙嘴金馬倫道中國保險大廈 3樓）
