■ Rainbow相當畀面，低胸賀呢度新張之喜。
雖然如此，好奇心異常澎湃嘅我，終於都決定應 Mike少之約，睇吓邊間酒吧巴閉到連我都未蒲過，如果唔好玩，最多咪借頭借路遁咗去咯，反正無人阻到我。原來嗰間好好玩，但我又一定未去過嘅場，係位於旺角太平道嘅「 Mini Bar」，搵我去當晚先正式開張，咁我就梗係無蒲過啦！
全無 MK味
■呢度有琴師作不定時表演，令場內氣氛更為浪漫。
講真，我對呢個場嘅第一感覺的確非常唔錯，裝修夠 Grand之餘， Clubbing感亦好強，細問之下先知道，原來呢個場係專登搵喺中環設計開 Clubbing嘅 Desingner設計嘅，難怪置身其中，完全無晒 MK味，有一刻我真係以為身處中環嘅靚靚場，好好 Feel！
不過，中肯啲講，環境勁有中環 Mood又如何呢？出嚟蒲，又唔係買樓，環境得固然重要，但主要關鍵依然係客質，尤其係靚女，除咗要多，質素亦必須一樣咁「中環」，無錯，我將呢個地名當形容詞嚟用，唔係地域歧視，而係環境係絕對會影響人嘅氣質 o架！
■想喺呢個場識靚女，真係半分難度都無囉！
■大家係咪覺得靚女熟口熟面呢？ o靚模是也！
■開張當晚， o靚模列隊到賀。
■淨係睇裝修都覺得呢度好有中環 Feel。
女士送 Mask
■逢星期六女士畀$1就可以任飲各種啤酒、紅白酒及 Cocktail。
所以，入場首要任務係掃視全場一個 Round，現場所見，好多都係有啲名氣嘅 Model噃，連青春逼人嘅 o靚模 Rainbow都係座上客，原來佢真人仲靚過上鏡呀！
由於呢個場新開無耐，所以老闆決定搞搞新意思，新張期內逢星期六晚都會玩 Open Bar，即係任飲囉，中環場用語嚟 o架。女士只要畀$1、男士$268就可以由晚上 9:00任飲各類酒至凌晨 3:30，呢個水位真係無投訴啦！
此外，仲有唔少優惠，好似逢星期日至五晚，但凡女士入場都會先送一杯酒你飲；最抵死係，請飲酒之餘，仲每位女士送多塊 Mask你敷，夠晒破格有新意。不過諗深一層，又唔難明點解會有咁嘅 Idea嘅，話晒都係夜蒲，女人捱夜對皮膚唔好，所以咪送番塊 Mask囉，真係好鬼細心。
值得一提嘅係，呢度有部好 Grand嘅琴，唔止係擺設，喺不定時真係請琴師為大家彈奏大量冧女歌 o架。咁識營造浪漫氣氛， 2011年想行女運？大家知碇啦！
地址：旺角太平道 6號 B地下
