去舊迎新之五：增加創造性球員 M&M

要數尖沙嘴過節有氣氛嘅酒吧，當然不得不提「 M&M」啦！雖然酒吧並非位於主要上樓吧一帶，但就係咁先好，上上落落唔使排餐死，而且，地方亦都比其他上樓吧大好多，酒吧主打 Live Band外，亦有 Live K唱，即係成隊樂隊幫你伴奏，十足十明星開迷你 Show咁過癮，就算心急想早啲唱兩嘴先都得，一樣有大投射做 Background，勁有 Feel！而嚟緊除夕一於唔好俾佢停，上嚟癲番晚！酒水方面，男士$400、女士$300，全場任飲之餘，仲有壓軸大抽獎，酒吧早就準備全屋家電，抽唔抽到就睇你彩數嘞！



■無番咁上下歌藝同膽量又點踏呢個 K台呀！


講完酒吧，見到熟客靚女之一嘅 Jade，一於問吓佢去舊迎新有乜睇法先？「我愛隊曼聯就梗係要買球員啦！雖然家都踢得好好，但就略嫌欠缺創造性球員，中場線又老化，所以中場一定要執吓，搵個星級球員返嚟！」相信一眾曼聯迷都唔會反對佢嘅睇法。不過，雖云仍有不足，成績依然咁好，又吹費 Sir唔脹喎！


■啤酒外，仲有好多款酒類供應。



■吧頭永遠都係一個人上嚟解悶嘅好地方。



■地方夠大，一啲都唔似上樓吧。



■牆上有唔少大電視，一邊播波、一邊播歌都得。


（地址：尖沙嘴漆咸道南 11至 15號余仁生中心 2字）