咁講就未免誇張，不過，佢又真係講得頭頭是道，原來佢場場波都睇得好清楚，事關佢做嘢嘅呢間場有個特大投射，睇波分分鐘清楚過球證 o架。無波踢嘅日子，用嚟唱 K亦一流，加埋獨立 K台，夠 Guts當然要去表演吓啦！其他設備方面，飛鏢機當然唔少得。再唔係可以搵拳手同你猜兩板，十五二十又得，鬥地主都無任歡迎。酒水方面，歡樂時光就$20支啤酒，正價就$30支，大酒$680，買 3送 1，唔怕飲唔晒噃，留酒下次再飲咪得囉！
■大投射係酒吧一大賣點之一。
■包場$3,888，比其他上樓吧抵玩。
■酒櫃夠大夠齊全，想飲 Cocktail？
Easy啦！
■酒吧有少少懷舊 Feel，勁有氣氛。
（地址：深水埗元州街 68號地下）
