講完願望，當然又係時候介紹吓酒吧啦，深水埗可以話係兩間「 Bar Pacific」嘅天下，而位於海旭閣嘅呢間第六店，環境一樣以懷舊為主，設計以深色梳化襯木枱，座位隨時四人枱又得，甚至 10人枱都無難度，設備方面，鏢機、足球直播、卡拉 OK一應俱全。就算得你一個人亦唔使怕醜入嚟坐，事關有大大張吧頭，自己睇波解悶又得，同 Bartender吹吓水又得。住得近嘅朋友一定要試試，唔使下下出尖嘴咁辛苦嘛！
■酒吧以懷舊 Feel做主題。
■有長吧頭外，旁邊亦有鏢機方便大家娛樂。
■大投射睇波唱 K都咁一流。
（地址：深水埗元州街 298號海旭閣地下 A舖）
