結果成班人揀咗入「 AT」，原來呢晚一樓請咗 DJ打碟，音樂勁爆，氣氛一流。不過，自己一班朋友都係鍾意靜啲，所以就走落下層，掟鏢吹水，自得其樂。正想搵個拳手猜兩板之際，先知靚女放晒假，呢間酒吧真好福利，我都想放假！好在仲有靚女 Promoter阿 K同我影靚相，問佢新一年有乜去舊迎新嘅大計，佢話：「新一年希望開心啲笑多啲，因為有啲客話我成日唔笑好 Cool，其實我都唔想嘅，但係攞住成桶酒咁重，又點笑得出先！」咁又係，所以大家唔好誤解阿 K喇，其實佢好 Nice o架，同我傾咁耐都依然笑容十足。靚女咁好人，當然我都幫襯吓佢啦！
最後，報埋酒水，歡樂時光一 Set啤酒$l20，正價$195；大酒$750，尖嘴區呢個價錢差唔多，而且有埋環境，撐得過！
■除夕有 DJ哥哥打吓碟，搞吓氣氛！
■地下一層，可以一邊嘆生啤一邊掟鏢。
■新設露天吧，方便吸煙嘅朋友。
■一樓有勁歌之餘，仲有好有 Feel嘅燈光，當然玩得盡興啦！
（地址：尖沙嘴赫德道 19-23號地下及 1樓）
