全民開講金球獎之一：美斯好波有乜問題 Co2

山林道雖然有不少上樓吧，但就總覺少咗啲 Party場地，不過，我知道嚟緊 18號就有間新場開張叫「 Co2」，位於永勝商業中心 2樓，地方就唔難搵，環境方面全場梳化枱，有吧頭、有鏢機和卡拉 OK，特別之處是每晚 12點就會變身 D Bar形式，有 DJ打碟搞吓氣氛，加上勁到爆嘅音樂和射燈，感覺夠晒 High啦！



■午夜 12點後變 D Bar，強勁音響加射燈，勁好 Feel。


酒水方面，先講女士就全年免費入場，再加送飲品，每日 7pm至 12mn，啤酒一律一 Set$100，聽價錢就已經好想去。至於靚女當然多的是啦，影相當日就有兩位靚女 Clubbing緊，一個叫小白、另一個叫 Carmen，兩個都嬌滴滴好靚女，問吓靚女鍾唔鍾意睇波，點睇今屆金球獎？小白：「美斯吖嘛，個個都話佢好波 o架啦，我諗佢攞都應該實至名歸嘅！」 Carmen：「我都唔明點解無 C朗，我就覺 C朗勁好多，我睇報紙話佢入波家多過美斯，都唔知係咪造馬嘅！」梗係無 C朗啦，上年佢都幫唔到球會或國家隊攞任何獎項。至於美斯就真係好波，不過，係咪可以壓贏兩位隊友沙維同恩尼斯達攞獎，就見仁見智啦！


■午夜前做 Clubbing場，光猛舒服。



■最啱跳得攰攰哋，埋吧頭飲杯 Cocktail啦。


地址：尖沙嘴山林道 21號永勝商業中心 2樓