全民開講金球獎之二：有問題就要查 F-18

金球獎就塵埃落定，結果是否符合大家心中所想呢？不過，好似有啲餘波仲未搞清，就係不少投票者都話自己投嘅票唔係自己寫嘅球員名！咁大件事，唔會咁快就有黑幕事件俾人踢爆呀！ Sharon：「一定有啦，我睇報紙話香港嘅曾偉忠投嘅票同公佈都有出入，而且唔止一個人，仲係多人發生，一定要查清楚。不過，講到得獎者，美斯又真係有權攞，佢喺巴塞嘅表現就證明一切啦！所以，有人話佢無資格我都一樣撐佢！」估唔到「 F-18」嘅靚女 Sharon都有留意吓球壇大事。

講完波，又梗係介紹吓酒吧啦，要講「 F-18」，我只可以講佢旺得有道理，雖然佢喺太子酒吧街偏啲嘅地方，但人氣一直高企。無他嘅，酒吧主打掟鏢客，大膽講句，落太子掟鏢飲酒一定要嚟呢度，鏢機多、款式新，高手如雲，夠晒吸引啦。酒水方面，志在大家高興，歡樂時光一 Set啤酒$128，正價就$188，大酒$680，價錢唔貴，最緊要係掟住飛鏢慢慢飲都無人黑你面吖嘛！