我最欣賞就係佢哋仲保存住 Live Band玩 Live Music。講真，一兩年以前尖沙嘴晚晚 Live Band都可能三四間，但家真係買少見少，而呢間吧亦係做得最好嘅一間。歌手阿 Wing唱得幾好聽，有時唔使點介紹，落嚟一次飲吓酒、聽吓歌，你一定鍾意。
呢度一樣有 VIP房，人多一於 Book間房玩夠開心；一支公想搵人陪，亦有拳手同你猜兩板，飲到嘔都得。酒水方面，歡樂時光啤酒$98一 Set啤酒，正價$178；大酒$800一支，三支$1,800，有 Live Band喎，價錢超值啦！
■佢就係唱 Live好好聽嘅阿 Wing嘞！
唯一美中不足就係少咗足球直播，無波睇，惟有搵靚女 Promoter Chole吹吓波經，「我支持日本隊，近年日本足球好似靜咗啲，不過，只係無以前咁多人留意啫，本身實力依然唔差嘅。你睇唔少日本球員都去歐洲搵食，國內聯賽亦有一定水準，就知撐得過啦！」
■一個人坐吧頭聽歌都得。
■大廳外還有偏廳和 VIP房選擇。
（地址：尖沙嘴堪富利士道 12號地庫）
