環境方面，地方雖然唔係大，不過勝在麻雀雖小，五臟俱全，足球有直播，口痕有唱 K，手痕有鏢機，就算有心癮，都有露天吧枱畀你吹吓。加上特平酒水，歡樂時光一 Set啤酒$98，正價就$168；大酒$680，呢個價錢無得頂啦！而且，酒吧一樣有拳手同你猜兩板，呢啲服務質素，今時今日無幾多間！
■酒款之多，好奇想試新嘢嘅朋友，最啱嚟玩！
問到靚女 Ice，除猜枚叻外，講波叻唔叻？「亞洲盃，唔使講，梗係日本同南韓啦！佢哋就好似世界盃嘅巴西同阿根廷，不過有眼睇，係咪次次都咁正路先？我就話唔係囉，我反而覺得中東球隊例如沙特呢啲就有機會跑出，球隊一向唔弱，加上有錢請好嘅教練，絕對有冷味！何況，巴西同阿根廷上年都贏唔到世界盃啦！」
■門口有吧枱，想吸「新鮮空氣」啱晒用啦！
■酒吧呈長方形，夠簡約，不過都一樣坐得舒服。
（地址：尖沙嘴漆咸圍 1-3號多福大廈地下）
