「 Loft15」靚女侍應 Cherry話：「年廿八就梗係洗邋遢，我就一定會用碌柚葉洗晒啲衰氣，你知啦我哋做酒吧，日日夜返夜收，年終撞咗嘢都唔知，洗走衰氣固之然要，跟手就梗係接財神旺番佢啦！」接財神？「係呀，根據蘇師傅本書話年廿八要點樣點樣點樣……」有無咁迷信呀？不過，開運嘅嘢如果唔煩唔靈，信吓都無壞！
講完新年嘢，就當然要介紹吓 Cherry主場「 Loft15」啦，位於人氣地段亞士厘道，生意就梗係唔會差啦，每逢 Weekend都爆到瀉，好玩、多靚女、又夠氣氛，最近仲新設咗個飛鏢區，掟嘅係最新 Online鏢機，後生仔女一定 Buy，加上價錢夠均真，歡樂時光$118，正價$198，大酒$780一支，$1,780三支，任飲平日男士$250、女士$100， Weekend男士$280、女士$200，價錢同其他層數嘅酒吧比差不多，不過，呢度環境夠大又夠新，所以識玩嘅朋友一定會一撐再撐。
■ Blue$68
■一出咁大個 Logo一定認得路。
■梳化夠大張，一枱十多人都無問題。
■ Online鏢機，後生仔場點會無！
（地址：尖沙嘴亞士厘道 23-25號雅士利中心 15樓）
