■女士唔掟鏢，可以玩吓手指機。
至於酒水方面，歡樂時光特設任飲時段由晚 6點到 11點，男士$150、女士$50，最啱第二日要早返工嘅朋友。其他時間，星期一至四男士$250、女士$100；星期五男士$300、女士$100；星期六男士$300、女士$200；星期日男士$200、女士$100，女士特別平，難怪呢度成為主打女士嘅 Clubbing場，換言之，靚女亦份外多啦！好似嗰日我就識咗一位靚女客人 Rose，問吓佢有咩開運心得，「運氣嘅嘢要嚟就嚟，邊使開 o架？我由細到大都唔會刻意求運，因為我覺得做人有實力最緊要，有實力又使乜靠運氣！」講得都有啲道理，所以我都覺得自我增值緊要過祈福；不過，開運嘅嘢，都係過年搵啲嘢搞吓開心啲咁解嘅啫，無傷大雅。
■新款 Online鏢機一樣有得掟。
■大投射播 MV，勁震撼。
■全場大梳化，一坐就舒服到唔想走﹗
（地址：尖沙嘴漆咸道南 53-55號嘉芙中心 6樓）
