呢間話晒係我主場，環境正，設備齊，卡拉 OK新歌快又多，大投射睇波又係一種享受，最近仲新裝埋 Online鏢機，有咁齊全配件，唔上嚟玩都對唔住自己啦！至於今晚收費，睇怕個個都返歸團年，所以歡樂時光暫停一日，不過正價啤酒一樣有，一 Set$192；另外亦有任飲俾你揀，男士$280、女士$200，以今日年三十酒水嚟講一啲都唔貴，而抵飲都係我撐佢嘅原因之一。
■女士唔掟鏢，可以玩 Online手指機。
問靚女 Promoter Bonnie有乜開運妙法？「仲使講，話明開運即係開財運啦！買馬我又唔識，買波我又唔好，六合彩我又嫌貴，所以新年一於約齊腳打麻雀啦。難得有假放，仲唔打番夠本咩，最好就梗係贏埋錢攞番個頭彩，咁成年都順利啦！」
■吧頭對正大電視，所以都有唔少人支持。
■每日都有特價小食，今日係乜呢？
■新置 Online鏢機，鏢迷必撐啦！
■環境優雅，最緊要係飲得、唱得、睇得、掟鏢又得﹗
（地址：尖沙嘴金馬倫道 42-44號華懋金馬倫中心 3樓）
