■逢星期四晚嘅 Ladies Night都有大量呢類年輕貌美女郎嚟 Hea。
■靚女話，祝大家兔年行好運，好運包唔包括識到你先？
呢間新場開張唔夠一個月，喺度開新年 Party真係夠晒應景。而呢度今晚會有「恭賀新禧 2011狂歡派對」，男士$400、女士$300就可以由年三十晚十點，狂歡喪飲到大年初一嘅清晨五點，呢個價錢比起平時星期六嘅任飲收費，都係輕輕咁貴咗幾條草，玩得開心之餘，亦絕對符合經濟原則，相當唔錯。此外，年初一、二都係男士$400、女士$300，一樣係晚十朝五任飲；而初三價口仲會開始回落到男士$300、女士$180㖭。
呢度行卡拉 OK房+大堂酒吧制，主打 K房之餘，為咗令大堂氣氛熱鬧啲，所以每晚都會有 DJ駐場播放心水 Pop Music。不同主題及 Size嘅 K房有八間，無論人多人少嘅 Party都絕對無問題；而且，咁新嘅場當然有 K-net啦，保證 K歌夠新又夠多。
■一男拖二女計劃，帶兩位女士入場就可以半價入場，$110飲玩。
■呢位 Promo女郎嬌滴滴咁，相當得人鍾意。
一男拖二女優惠
咁正嘅場，過咗年我都會繼續嚟，不過就會揀星期四嘅 Ladies Night至蒲頭咯，男士由十一點玩到凌晨五點，每位入場費盛惠$220，呢個應該係全老尖最平嘅 Ladies Night收費嘞。再抵啲，得，就係逢星期四晚約多啲女性朋友一齊幫襯，事關呢度搞緊個「一男拖二女」嘅優惠，男士們於女士之夜帶兩位女士入場的話，就可以半價入場，即係$110任飲任玩兼夾任識女仔。老實講，落七仔買半打啤酒都未必夠喇，家陣仲任飲兼有專業 DJ為你打埋靚歌，搞晒氣氛喎。
所以，雖然呢個場無拳手，但在下可以好肯定咁講一句，喺呢度識女仔真係完全無難度，現場所見，起碼七成以上係女性，而且當中又有百分之八十係十八、廿二嘅妙齡少女，咁嘅陣容，難怪老闆夠膽唔請女拳手駐場咯！
最後，貓仙人都要循例同大家拜個早年：祝大家旗開得勝，兔年行女運！
■每晚有 DJ為大家選播至 Hit嘅 Pop Music。
■除咗 K房，選擇坐大廳都幾好 o架，氣氛夠晒熱鬧。
地址：尖沙嘴竇勒巷 3-7號萬事昌廣場 1樓
