嘉欣 BB叫乜名之六：可愛又快樂 i-mode

記得以前夜晚經過登龍街，街頭有大利行，街尾有永光中心，想搵地方飲嘢真係好多選擇。不過，自大利行全幢收回重建之後，得番永光中心一幢上樓吧集中地，本來就應該失色不少。不過，好在永光中心嘅上樓吧都有番咁上下質素，所以人流一樣咁旺。好似 20樓嘅「 i-mode」咁，就算閒日都有不少 OL上嚟 happy hour，飲吓酒唱 K，原因係佢環境又的確幾有 clubbing feel，好過去啲清吧食花生，酒吧有 K唱外，仲有鏢掟，而座位全場大梳化，坐得舒服玩得開心，另有長吧頭，同 bartender吹吓水講吓波經講吓新聞談天說地一樂也。



■門口夠 grand，一出好易認。


酒水方面，歡樂時光 6點至 9點半，啤酒一 Set$138，另外 cocktail買一送一，正價就$228，一樣有買三送一。大酒方面，$888一支，買兩支就送一支，酒水多叫有得送，計落條數都好抵飲吓。
加上酒吧主打斯文客，大班男男女女嚟 clubbing最啱，好似今日就俾我識到三位靚女， Cola、 Emily同 Iris，撞啱靚女嚟 clubbing，梗係要搵佢哋影吓相啦，問埋靚女 Cola有乜好名推介，「梗係用我個名啦，可樂，好聽又易記！」聽落又幾 OK吓，大家有 B嘅話都可以參考吓。


Orange Mix$58



■今時今日嘅酒吧，又點可以無鏢機招呼客人呢？



■酒吧 happy hour亦有不少 office客上嚟 relax吓！



■全場大梳化保證坐得舒服。


（地址：銅鑼灣登龍街 28號永光中心 20樓）