環境方面，全場大梳化保證坐得舒服，中間有長吧頭，大把熟客爭住坐，另外埋邊仲有 VIP房，房內有獨立 K唱之外，亦有獨立鏢機，大廳有嘅 VIP房都一樣有。酒水方面，歡樂時光一 Set啤酒$138，正價就$172，大酒$680， OK抵飲，啱晒住呢區或者嚟開元朗嘅朋友撐場。
■全場大梳化元朗好少有。
除咗唱 K同睇足球直播，嚟呢度亦可以搵拳手同你猜兩板，呢晚我就識到 Nikki，佢份人係怕醜啲，但就 very nice，影相無話左擰右擰，問佢有乜心水靚名， Nikki：「改名？我點識呀，梗係要交番畀蘇民峰、麥玲玲呢啲大師傅啦，加上人哋大富人家，改名都要論資排輩，如果唔係點會先改英文名呢？我都好想知佢個名出到嚟有幾特別。不過，以前俾人叫嘉亨戀叫得咁順，不如就叫嘉亨都唔錯喎。」咁慳水慳力？但係中國人要避諱，通常唔會用長輩名字嚟改名，何況係父母個名呢？所以，應該唔會改個咁嘅名嘞！
■酒吧中間設有鏢機提供娛樂。
■吧頭晚晚都好熱鬧！
（地址：元朗福德街 32號地下）
