抽唔到？女友唔開心時，你就拎預備好嘅禮物出嚟番佢開心，再 Cheap嘅禮物，女友都一定冧啦！至於今晚酒水方面，唔算大節，無加價啦，歡樂時光啤酒$20支，正價$32支；任飲男士$220、女士$150，公道到咁，點可以唔撐！
講番今日話題，既然情人節咁溫馨，不如講個溫馨啲嘅題目，城中靚女嘉欣生咗個 BB啦，不過大家幫吓手改吓名，一於問吓靚女 Promoter Suki先，「唔好講笑，一於改叫做公子啦！橫掂佢將來都會俾人許公子、許公子咁叫，何不用嚟做埋名呀！」
「公子」呢個名又真係幾好聽，而且係無論姓乜嘅朋友都啱用，掂呀！
■最新 Online鏢機一定要玩吓。
■時常有不同嘅美食。
■吧頭有手指機又有大電視，人氣地點。
■獨立梳化，坐落又幾舒服。
（地址：尖沙嘴金馬倫道 42-44號華懋金馬倫中心 3樓）
