好似喺「 La lavande」識到嘅熟客 Judy，一見我啲瓜子即刻有話題，你話係咪醒先！「你知唔知紅黑瓜子食法有乜分別呀？」吓，有分別咩？「梗係，真正的分別係，紅瓜子就咁咬開食入面嘅肉，而黑瓜子就咬時順便嗒埋殼嘅味道！」哦，唔怪之得黑瓜子鹹鹹哋啦！就係咁，大家 friend咗一晚。
■有名 DJ打碟， DJ台設備亦十分齊全。
不過，要喺呢度識靚女都係唔難，靚女超多，加埋個場又好玩，周不時都有 Function，嚟緊本月 18日就有個好爆嘅 Function。聽經理 Ben哥講，淨係裝飾就會掛到全場胸圍；聽到我身都痕埋，究竟係胸圍派對定胸圍 Show？不過， Ben哥好吊癮，話嗰晚自己上嚟就知啦。
好，等我！家就報埋酒水先，星期一同三，男士$250、女士$180；星期二女士之夜，男士$320、女士免費喎；星期四短裙之夜，男$320、女$70；星期五男$320、女$200；星期六男$320、女$220；星期日男$250、女$150，價目係就係煩啲，不過，咁好玩嘅場，畀多少少都值得。
■發光吧頭夠型又有氣氛！
■酒吧中間有笪空間，最啱企出嚟 Relax吓。
（地址：尖沙嘴金馬倫道中國保險大廈 3樓 C、 B室）
