我最討厭領隊之四：最怕亂花錢 Bar Pacific XII

荃灣話大唔大，不過都可以話係油尖旺之外嘅一個夜生活蒲點，唔講其他淨係講酒吧，大大話話都有 7、 8間，當然唔係間間都敢行入去啦！揀酒吧必定要睇清楚招牌──「 Bar Pacific」就入得過嘞。呢間無嚟一排嘅「 Bar Pacific XII」，原來又翻新過，比以前新淨靚仔，座位梳化換過晒，成間吧比以前更舒適。酒水方面，品牌店舖當然唔會為咗裝修咁小事加價啦，仍然係歡樂時光$20支啤酒，正價$30支啤酒，大酒$680。而最令我驚喜嘅係新店長阿 Ben玩得一手好魔術，睇到我眼定定之餘，都想跟佢學番兩招媾女，睇嚟以後真係要密啲嚟至得嘞。




Tequila Sunrise$58


魔術就有排至學得曉，但識女仔話都無咁易，即刻搵到靚女傾兩句，佢叫阿 Yu，樣靚人品又 Nice，影相大方肯擺 Pose，問佢至唔 Like邊個足球領隊，靚女反而有啲窒：「吓，唔識喎。真係要答嘅話，我諗係南華嘅羅生囉！都唔明佢咁貴請兩個老人家返嚟做乜，如果真係想香港好，攞請人嘅錢嚟培訓年輕球員仲好啦！」講得幾有 Point喎，不過，我想講羅生係老闆唔係領隊囉。



■想掟鏢，梗係有啦！




■店長阿 Ben嘅魔術真係耍家 o架！




■長吧頭點都要保留，如果唔係一個人嚟飲嘢點算？




■大投射加卡拉 OK台，唱歌一定有 Mood。


（地址：荃灣青山公路 415號地下）