現今球壇邊位領隊我最喜愛？一定首選曼聯嘅費 Sir啦！理由係佢帶領嘅球會成績好之外，佢用人亦唔係只以身價嚟衡量；同市嘅曼城係億萬大軍喇，成績都唔夠佢好，可想而知，唔係話使得起錢就能夠踢得好 o架。不過，有人鍾意亦有人憎，好似「 F18」嘅 Fanny就唔係好 Buy費 Sir嘞：「佢梗係唔掂啦，雖然我都係曼聯迷，不過睇佢買人就真係勞氣，一啲星味都無，球員出咗名就賣，搞到隊波一啲班霸 Feel都無，次次對住啲億萬大軍都好似未打先輸咁。如果唔係排第一，仲以為佢要打護級！」一聽就知 Fanny唔明白足球係 11個人踢嘅道理，而且如果有錢，邊個唔識買美斯先！
■揀個新款鏢徽，同支私家鏢扮靚喇。
同 Fanny講完波都渴渴哋，佢話請我飲威士忌，原來「 F18」近排做緊馬諦氏 Promotion，$680一支，價錢合理又抵飲，鍾意飲威士忌嘅朋友記得捧場，其他酒水方面，歡樂時光就$128一 Set啤酒，正價就$188，價錢公道。不得不提嘅係，呢度可以話係鳳凰機主場，一場嚟到就點都要玩吓，實有機會同多啲人交流心得。
■長吧頭對正大電視，一支公嚟都唔會悶。
■熟客一樣 Nice合照。
■人氣酒吧，有心撐場記得早到喇。
■出名掟鏢場，夠自信嘅就要嚟較量吓啦！
（地址：太子西洋菜街北 197-209園景大廈地下 A舖）
