■ L形長吧頭，中間仲有鋼柱，如果有桌上舞睇就梗係坐呢度啦！
「 Relax99」嘅小雲都同意我嘅諗法，「佢係勁先寸得起啫，又唔見啲英超下游球隊寸？不過，講開乞人憎，我就首選賓尼迪斯，雖然家佢無帶球隊，但之前帶邊隊死邊隊就夠衰啦，搞到我愛隊利物浦到今時今日都五勞七傷，最該死仲唔係佢！」小雲講得咁激動都無可厚非，賓尼迪斯帶波又真係有一套「破壞」程式。
講完波，又係時候講吓酒吧，呢間酒吧雖然喺葵涌區，但相對尖嘴大場，氣派都不遑多讓，一般娛樂設施如鏢機、卡拉 OK、足球直播固然齊備，仲有美式桌球玩，喺度飲酒絕對唔怕悶。至於酒水價錢，就無話因為豪裝而收貴你，歡樂時光$20支啤酒，正價就$30支，大酒$680一支，三支$1,580，完全公價，咁正嘅環境，抵撐啦！
■酒吧有不同飛鏢配件，飛鏢爛咗可以即時修理。
■酒吧燈光較暗，好有 Mood！
■飛鏢區每日都非常熱鬧。
地址：葵涌葵涌道 1001號德昌大廈地下（近光輝圍）
