我最討厭領隊之一：贏波無品仲難睇 Aqua

剛剛上周又一輪歐聯，大熱巴塞隆拿終於反敗為勝，打贏阿仙奴出線，講真巴塞之強又真係無話可說，不過，自己就覺得巴塞隆拿嘅領隊哥迪奧拿無乜品，賽前寸人未夠班，賽後贏波又「寸寸貢」，真係好想閙佢。就連「 Aqua」嘅靚女 Minnie都撐我，「講真唔係球證偏幫，趕咗雲佩斯出場，我覺得出線應該係阿仙奴；鬼唔望下場巴塞對大弱隊，等班球員要腳唔要波，踢斷晒巴塞啲人都好！」我早就話 o架啦，對巴塞一定唔可以有禮，出腳要狠，睇你仲有無七成控球啦！


講多兩句，終於發現 Minnie原來同我係同道中人，大家都係曼聯嘅 Fans，不過 Minnie唔係死硬派，佢都覺曼聯無乜機會；既然無機，就不如飲酒猜兩板。
講到飲酒，呢度地方夠大，位與位之間夠空位唔會逼；設備有鏢機、有卡拉 OK，又有拳手。酒水方面，歡樂時光$138一 Set啤酒，正價就$188；大酒$698，買三送一，都好抵。任飲方面，星期日至四，男士$250、女士$200；星期五、六，男$280、女$220。尖沙嘴嚟講，抵飲 o架嘞，想試新嘢，一定要嚟撐囉！



■吧頭唔算大，不過一樣好招呼！




■酒吧有不少熟客，每逢 Weekend好旺場。







■上樓吧指定娛樂之一，就係鏢機。


（地址：尖沙嘴亞士厘道 27號 5樓）