飲餐飽之六：拎幾多飲幾多 Bar Pacific XXIX

上星期同朋友去大圍食飯，吃飽就梗係酒癮起，大圍我都麻麻哋熟，不過都知有間「 Bar Pacific XXIX」，同系酒吧一向係我信心保證，呢度當然亦無令我失望，地方大、門面靚，飛鏢機旁有吧頭勁方便，又有大投射連卡拉 OK台，梳化夠大張，咁嘅環境好難挑剔啦！酒水價無變，歡樂時光$20支啤酒，正價$30支，大酒$680支。另外，我知呢個月嘅 22號係呢度一周年，會玩吓抽獎，獎品包括家電大酒，記得早啲到，隨時又飲又拎 o架。





介紹完酒吧，當然要搵靚女經理 Anny飲番杯先啦，「齋飲好悶，不如猜兩板啦﹗」猜枚又得，玩乜先？「大話骰拎骰你一定識啦！」每嗌一口拎一粒骰出嚟俾人睇，好 Easy啫。「不過，我哋玩新例……」新例？「就係飲酒份量計拎出嚟骰仔嘅點數總和，當一杯 10格計，如果出面有骰仔『 6』、『 6』、『 4』、『 3』、『 2』，即 20點，咁即係飲兩杯，明未？」明，兩個人玩有限數啫，「乜兩個人呀？我成枱 Friend o架，一齊過去玩啦﹗」






■大投射唱 K感覺一流。




■ L形吧頭大受歡迎，旁邊仲有鏢機。




■全場大梳化，飲醉咗當床瞓都得。


（地址：大圍積存街 82-86號年豐樓地下 A,B舖）