心目中巨星之三：永遠係 MJ Lalavande

今日介紹一間做得好有 Heart嘅酒吧，就係「 Lalavande」，繼早前內衣騷後，上星期又有新搞作，就係請嚟台北勁紅嘅 DJ組合「黑色勢力」客串打碟，其實呢度一向用開香港有名嘅 DJ打碟已經吸引不少客人，今次重金請台灣黑色勢力，音樂強勁，氣氛無得彈，幾乎全場人都走晒出嚟跳埋一份，認真高興！問到酒吧做乜咁落本請人嚟客串一晚，酒吧就話一來可以喺音樂上交流，二來又可以省吓招牌，蝕錢都要做！


介紹完節目，又係時候搵靚女傾偈，呢度靚女客人多的是，就算抄唔到牌唔緊要，酒吧有位靚女專負責 Customer Service，佢叫 Elaine，好樂意同你交換電話，一有 Function仲會通知你。問 Elaine邊位係佢心目中巨星，「梗係 MJ啦！佢嘅歌佢嘅舞都超正，啲 DJ一打佢嘅歌，就全場勁 High，呢啲咪叫魅力囉。」 MJ係當代巨星，相信無人會反對。
講完巨星，特別想講呢度明天會有「 Deep V之夜」，着得夠索又全場最多人投票就有$1,000現金獎，而收費就全晚任飲， 12點前入場就男士$270、女士免費； 12點後就男士$320、女士$70。如果錯過上星期嘅 Party，聽晚記得早啲到。



■ DJ.Tyson打碟勁有自己風格！




■ MC Radio同 MC Mex兩位 Rap歌勁得，全場都俾佢哋搞到 High爆！







■ Cocktail夠特色，連西瓜冰都吸引過人！


（地址：尖沙嘴金馬倫道中國保險大廈 3樓）