講咗成個禮拜，原來喺酒吧都搵到唔少題材可以出書噃，嚟到呢個題目嘅 Last一日，走咗去「 Solo」搵靚女阿欣問吓佢又諗到咩新題材呢？「梗係出書講媾女啦！尤其單身男士，落酒吧玩嗰陣，見到隔籬枱個女仔幾得，梗係好想去結識吓 o架嘛，但點樣埋人哋身，並且成功抄到牌呢？真係要諗吓計 o架。其實喺酒吧咁做都幾危險 o架，一來唔知對方男朋友在唔在場，隨時引起誤會打大交都似 o架；二來若然食檸檬又喎。咁你話嘞，想抄牌係咪好需要技巧呢？」
想抄牌固然要有計，不過，首先都係要有 Target，想識靚女，絕對要呢間吧走轉，莫講話靚女客人多的是，靚女拳手都有唔少，上得嚟玩真係五、六 Set走唔甩，好在呢度酒水平， Happy Hour$98一 Set啤酒， Normal Hour就$180，大酒$680買二送一，點劈都有限錢啫。另外仲有任飲，星期日至四男士$200、女士$150；星期五六及假前男士$250、女士$180；而星期二、四，一位男士 Join任飲，就可以一位女士免費，勁抵撐！
■全場紅色梳化夠搶眼。
■埋邊仲有個小偏廳，幾多人都夠坐啦。
■紫色吊燈夠格調。
■大電視加最新 K歌，一絕！
地址：尖沙嘴山林道2號永勝商業大廈4樓
