■飛鏢區高手多又旺場。
「都不知幾精采，攻守有序，作客就梗係求穩 o架啦，呢個絕對係杜格利殊同利記迷非常滿意的戰果！」唉，踢波唔係求贏而係求和，咁都講得出，真係唔夠你拗，所以都係搵人飲酒同掟鏢好過！
講開掟鏢，可以話係呢間吧嘅一大特色，每次上嚟都會見到一大班人圍埋掟鏢，氣氛一絕！而且，仲要有男有女，係咪高手我唔知，不過，玩得咁開心斷估唔會差得去邊囉！
仲有，酒吧嘅卡拉 OK一樣係人氣娛樂，無他嘅，電視多又清，又有唱 K台，係人都有表演慾 o架啦。講講吓，我都想高歌一曲，都係嗱嗱聲報埋酒水點歌嘞，歡樂時光$138一 Set啤酒，正價$188；大酒$680。任飲星期日至四，男士$200、女士$160；星期五、六，男$280、女$250，價錢撐得過。
放大圖片
■卡拉 OK台最啱我呢啲唱得之人表演。
放大圖片
■酒吧有偏廳，想玩得有啲私隱都得。
地址：佐敦彌敦道 225號明珠廣場 14樓
