數歐聯歐霸精采之五：最緊要入波 YC

一場球賽點先算精采，有球星過五關斬六將，定係場場大比數？我自己就比較鍾意後者嘞，因為無論係強隊定弱隊，英超定港足，只要有「士哥」，仲要係總入球有 5、 6球以上，球迷一定睇得開心，就算唔識波嘅一樣讚好，好似「 YC」嘅靚女 Micky咁，佢話咁多場最好睇都係羅馬嗰場，真有 Taste！「其實，我兩隊都唔識 o架，不過，睇住隊波由贏 2比 0到反輸 2比 3真係好睇，起碼唔會悶先啦！下次我都一定再睇！你剛剛話係咪皇馬呀？」係羅馬，女孩子就係咁，有時同佢講波真係有意想不到嘅驚喜── Surprise！

■睇真啲 Micky係咪有啲明星相呢！

哈哈！ Surprise完就係時候介紹吓酒吧，呢度相信唔少人嚟過，呢期會嚟個大變身，下次上嚟一定又有 Surprise。好嘅設計當然唔變啦，每枱大梳化、長吧頭、大電視呢啲仍然有齊，上嚟玩一定唔會悶。酒水方面，我就力撐任飲，星期日至四男士$200，女士$100；星期五、六男士$250、女士$150，講真，男士公價無得講，但女士真係平，而且仲包埋飲紅、白酒或香檳，女士們一定支持啦！



■長吧頭保留敲鐘呢個特色，無錢千祈唔好亂掂！




■佐敦區想玩得有氣氛一定要上嚟！




■咁大支係乜？




■開估，香檳。呢度出名酒款多，唔係吹水 o架！


（地址：佐敦彌敦道 219號莊士倫敦廣場 9樓）