■有大獎盃即係有飛鏢高手，等我挑戰吓先！
有睇開呢欄而又記性好嘅朋友，應該都記得早前介紹過土瓜灣一間同名酒吧，無錯，原來呢間係分店之一；而且可能開咗無幾耐歷史嘅關係，店內環境都新淨好多，可以話夠潮㖭，有最新鳳凰鏢機，全港 Online玩都得，仲唔潮！酒水方面，歡樂時光啤酒一 Set$125，正價$185；大酒$589，價位絕對稱得上平，加上又有靚女拳手同你猜枚，飲酒又邊使出尖沙嘴咁遠。
講完酒吧，梗要問吓靚女點睇歐聯或歐霸啦， Yuko話：「今年我鍾意睇曼城，原因係貪佢夠海鮮波，明明高人幾班，作客摸和，主場就大炒，一啲強隊風範都無！」吓，踩到咁，你又鍾意？「唏，作客買對家，主場買大，真係好路，長買長中，點會唔鍾意！」哦，原來係咁，曼城呢方面又幾多人撐佢嘅！
放大圖片
放大圖片
■普通鏢機或最新鳳凰機都有得玩。
放大圖片
■雖然唔係旺區，不過環境一樣夠晒格調。
放大圖片
■紅酒、白酒、香檳、威士忌，乜都有得你揀！
（地址：新蒲崗彩虹道 72號衍慶大廈 17號舖）
