■夜蒲四金花扮到靚一靚咁出席，係咪齋睇都夠晒滿心歡喜呢？
放大圖片
■場內氣溫持續高升嘅原因，咪就係因為呢班 Hot Ladies作怪囉。
星期一老友搞牛一派對，星期二食公司春茗，星期三深圳有新場開，星期四就係每星期嘅 Ladies Night大日子，星期五仲大鑊，酒吧鋼管舞之夜……就係咁由星期一蒲到星期五，諗住星期六點都要唞一唞，蛇咬都唔出巡夜蒲，點知又收到中環達人 Ben Chow電話：「喂，安慶臺間『 Sugar』今晚 Last Day光榮結業，幾乎全城靚女都總動員出席噃。」咁呀……正所謂橫掂都係，唔爭在蒲多一晚啦！
其實 Sugar光榮結業關我咩事？何解我要非去不可？大家有所不知，呢個場曾幾何時係城中數一數二嘅星級夜場，連周杰倫嚟香港都要去呢個場 Hea番一晚半晚，舒淇、黃秋生等亦都曾經係呢個場嘅座上客，唔知係咪明星效應嘅關係？呢度吸引咗唔少靚人嚟蒲，簡單啲講，本身無番咁上下質素都唔敢嚟呢個場玩，家陣搞 Farewell Party噃，幾乎可以肯定全城 80%以上出嚟蒲嘅靚女都會現身，肯定未夠 11點就全場旺到插針都插唔入，亦即係話呢個係難得同靚女超近距離接觸嘅好機會，就算幾眼瞓，搵牙籤撐開對眼都要蒲頭啦！
放大圖片
■光榮結業點計都係開心事，當然要笑住參與啦！
放大圖片
■現場有幾 Hot？睇吓呢位靚女一身造型就知啦！
約都無咁齊腳
放大圖片
■一杯杯咁飲都嫌嘥時間，成支嚟先夠 High嘛！
入到場，果然如我所料，未夠 11點場面已經非常墟冚，而且場內有七成人都係熟口熟面，當然啦，大家都係飲 Sugar酒水大，絕對可以話係陪住我哋一齊成長，所以新知舊雨全部蒲晒頭，現場氣氛既 Warm又澎湃，大家好似時光倒流番去 6年前開張時咁，咁嘅蒲腳，真係約都無咁齊。除此之外，就連歷年喺 Sugar做過嘅 Bartender都幾乎全體回番晒巢，望住佢哋，真係別有一番感慨，睇住佢哋全部歸隊入晒吧頭校酒，真係有啲感觸，邊個話夜場無真情？
唔知係咪天公特登造美？上星期連續幾日都係天陰陰凉浸浸，但惟獨係星期六就突然陽光普照；大家可能會奇怪，天氣好又關我鬼事咩？當然關我事啦！如果天氣唔熱，我又點可以欣賞到咁多着得咁性感嘅靚女呢？
放大圖片
■連 DJ哥哥都飲到迷迷哋，播音樂特別好 Feel。
放大圖片
■現場真係插針都唔入，好耐都無見過有一個場咁好氣氛喇！
