數歐聯歐霸精采之十：擊倒地上最強 Pink Bar II

歐聯 16強第一回合上星期完成，嚟緊下星期就有第二輪比賽，唔使講，場場大戰當然唔可以放過，所以今日就介紹大家一笪睇波嘅好地方，就係山林道嘅「 Pink Bar II」。講吓環境先，酒吧有 VIP房、有矮枱，亦有卡位供客人選擇。設備方面有卡拉 OK，亦有飛鏢機，當然唔少得足球直播啦！如果唔係點會介紹大家嚟睇波呢？至於酒水價錢，歡樂時光一 Set啤酒$114，正價$198，大酒$780，三支$1,800。唔散叫可以做任飲，周日至四男士$220、女士$150；周五、六就男士$280、女士$220，大路公價，有咁好環境，絕對值得撐場。


最重要係有靚女拳手同大家猜枚，呢位 Ceci講波經都有兩道 o架，唔信睇吓佢點睇嚟緊歐聯賽事， Ceci：「咁多場首回合最好睇一定係阿仙奴對巴塞隆拿啦，除有三球睇外，最精采係阿仙奴打破宿命，咁多年對巴塞都輸，今年終於出番一口氣，希望佢下場再接再厲，再次擊敗巴塞，我諗全港唔少球迷都想睇到呢個賽果！」我都想睇阿仙奴再一次贏波，到時一定搵 Ceci一齊睇！



■大酒三支有平，飲唔晒好簡單，留起下次再飲！




■地下夠大，有大投射亦有鏢機，鍾意唱 K定掟鏢隨你選擇。




■酒吧客人都好 Nice，影相當然要大合照啦！




■ VIP房夠大之餘，梳化仲好軟熟好有屋企 Feel。


（地址：尖沙嘴山林道 29-31號地下）