醉駕罰乜好之七：直播打屁屁 IT Mondena

講咗成個星期，大家都有唔少罰醉駕嘅意見，點解？原因好簡單，就係家嘅罰則真係太輕，加埋初犯、緩刑之類，根本就等於無乜點罰，咁又點會收效呢？「 IT Mondena」靚女 Promoter阿 Cat亦講咗佢嘅意見：「我覺得現有懲罰都可以接受嘅，另外，如果真係初犯而無人受傷害嘅，畀次機會都合理，不過，加多少少嘢就最好嘞，就係打藤，每超標到一個數字就一藤，唔吹波波就便宜吓佢十藤，男女都要同等待遇，最好喺政府網頁直播，旁邊寫住呢啲就係醉駕嘅後果，有阻嚇作用之餘又起到教育效果，睇你啲人仲敢唔敢害己害人！」嘩，呢條橋得喎，如果真係有我一定會睇，簡直大快人心。
講完罰乜，又梗係要介紹吓呢間酒吧啦！呢度堪稱旺角區嘅一等一大場，分四個格局，一入門口係足球直播區，兩個百吋大投射，睇波無得頂；行入啲有 Live Band，星期一至六都有 Live Music畀你聽；旁邊係長吧頭，飲嘢吹水啱晒；想私人啲，咁就不妨開間 VIP房嘞。酒水價， Happy Hour一 Set啤酒$108， Normal就$148；大酒$1,900三支，一支就$800，都算平，至緊要環境好，睇波、聽歌舒舒服服，乜都值番晒啦！