意甲鬥一番之二：老婦人求翻生 Pub E'nW

呢幾年西甲氣勢好勁，搞到人人都追睇皇馬、巴塞，無乜人留意意甲，不過，無人留意唔表示差，睇番上年歐聯冠軍正係意甲國米；所以，睇波真係唔好齋睇明星。講番意甲，今年一定激鬥連場，幾隊大會不停買人求翻身，就連「 Pub E'nW」熟客 Hebe都搭嘴話：「今年一定唔會國米獨大先啦，而且，我覺得國米俾賓尼迪斯做領隊，盞變成第二隊利記，我自己今年就睇好祖雲達斯，呢班波上年開始時都好好，不過季中無運多傷兵，希望今年加多啲新血，攞個冠軍返嚟啦！」
講完波，介紹吓間吧，一排無嚟，環境好似唔同咗，但熟客依然咁多，一樣咁受歡迎。其實，呢類清吧喺香港真係越來越少，別具吸引力。酒水方面，一 Set啤酒 Happy Hour係$132， Normal就$192，大酒$650，唔想飲到成肚水，可以飲 Cocktail， Bartender好有心思，不妨一試「 Brother Wai」，上層沙冰，下層甜酒，大熱天時至啱飲。