意甲鬥一番之一：年年國米太悶 A Cup Of

自從世界盃期間裝咗有線之後，「 A Cup Of」生意好上加好，難怪老闆 Winson哥日日笑到四萬咁口，鬼咩，晚晚都有咁多熟客捧場，畀我都笑啦。「又唔好咁講，多謝大家畀面啫，」 Winson：「影相吖嘛，我啱啱請咗個新拳手，幾靚女 o架，搵佢影相吖。」有靚女，我梗唔放過抄牌機會啦！
拳手 Baby果然得意可愛，人斯文有禮貌，連把聲都嗲過人，問佢睇好意甲邊隊攞聯賽冠軍，佢話：「我唔多識足球喎，不過最好唔好又係國米囉，年年都係佢贏晒，好悶啫。」講得啱，我都唔想見到賓尼迪斯個招積樣，今年我捧佢同市對家，我捧 A米。


■ Baby好鬼死得意，把聲好鬼嗲。


■呢幅 Graffitti，好有氣勢啫。


講番間場，裝修無乜花巧，正中一個大投射，有波播波無波播 MV，側邊一張大長梳化，舒服過我屋企張龍床，仲有個擺滿各大啤酒商贈品嘅飾櫃，行入洗手間嘅走廊仲有大大幅 Graffitti㖭。係時候講大家最關心嘅問題， Happy Hour每桶啤酒$118，正價貴五條草，堪稱平通砵蘭街，絕對抵撐！



■贈品飾櫃，你攞過幾多贈品？




■長方形場一眼望晒，無多餘唔等使花巧裝修。


（地址：旺角砵蘭街 108號地下）