今日帶大家嚟到呢間「 Imagine」，搵嚟靚女 Promoter Winnie講兩句波經，唔知佢鍾意邊隊意甲球隊呢？「今年梗係捧 AC米蘭啦，前鋒線人才濟濟，柏圖、伊巴，仲有細哨，呢條鋒線可以媲美地上最強嘅巴塞，只要季初多啲磨合機會，季中自然有默契，攞冠軍一啲都唔難呀！」佢都講得啱， A米班前鋒又真係世界級，我都估佢坐亞望冠嗰隻。
講番呢間吧，有別於一般酒吧，設計 Style比較美式化，香港少有， Happy Hour嚟飲兩杯生啤等朋友食飯，或者想搵個無咁嘈嘅地方傾吓偈都係好選擇。價錢方面， Happy Hour每支啤酒$22，正價係$32支，大酒$698一支。另外，有貓頭鷹時段，星期日至四凌晨 12點半開始，而星期五、六就凌晨 3點開始，啤酒都係$28一支，啱晒夜貓子一族。
■華麗吊燈點少得。
■生啤每杯$41起，抵飲！
■長長吧頭加紅色梳化甚有美國 Style。
（地址：尖沙嘴樂道 28號 1樓）
