落酒吧最多人飲嘅酒，除咗啤酒外，就一定係威士忌，但係又有幾多人真係識得飲威士忌呢？睇吓個個都溝綠茶、梳打水，甚至我聽過個酒吧朋友講話，試過有人問佢攞寶礦力溝威士忌，我聽到都打個突，想知點樣飲法先係最正宗，我就搵專 Sell威士忌嘅 Promoter Vicky介紹吓嘞，「飲威士忌要溝綠茶呢啲做法其實係大陸傳落嚟，點解會咁？原因係一般嘅威士忌酒味比較辛辣，根本就唔可以直接飲入口，對唔住！唔係唔可以，係亞洲人好難接受直接飲入口，所以咪加呢樣加嗰樣囉，好似我哋隻馬諦氏蘇格蘭威士忌咁，我哋 Sell客都只會介紹佢哋加冰或淨飲，因為，我敢講我哋隻酒的確夠晒醇，入口唔會有辣喉嘅感覺，絕對適合亞洲人飲用！」 Vicky講咁耐雖然都為 Sell酒，不過，我都好同意佢講法，飲威士忌溝綠茶又真係嘥晒，無晒威士忌味之餘仲越飲越急尿，咁不如直接飲綠茶好過。
■設備齊全自然好人氣，嚟飲酒早到坐靚位。
當然飲威士忌都要睇吓喺乜嘢地方啦，好似係「 Double_one_pub」咁，就係一個唔錯嘅選擇，上樓吧嚟講，設備勁齊全，鏢機都有 4部，又有大電視俾客人唱 K，而且全場大梳化，入嚟玩一定唔會令你失望。酒水方面， Happy Hour一 Set啤酒$118， Normal就$168；大酒$698，$1,788有三支。任飲方面，平日男士$200、女士$130， Weekend就男$250、女$180，價錢唔貴，就今日落嚟試吓飲真正嘅威士忌啦！
■ Vicky揸住呢支「 Matisse Old」年份唔高，但就夠晒醇，好適合淨飲。
■飲威士忌最正係淨飲同加冰，以後唔好咁老土加綠茶啦！
■吧頭有大電視，唱 K啱晒啦！
（地址：尖沙嘴厚福街 l2號 A藍馬商業大廈 11樓）
