聖誕好氣氛之二：門口已經感受到 520

唔少酒吧已經陸陸續續為聖誕節裝飾，好似「 520」為例，未入去門口就有棵聖誕樹，令人即時諗到又到聖誕咯喎！而酒吧入面就貼上不少聖誕裝飾，氣氛一流。有氣氛，室內設計亦唔差，我最鍾意佢門口嘅偏廳位，夠大又舒服，而且對住電視夠方便，人少少都可以坐大廳一排長梳化，飲酒傾偈至啱。另外，有鏢機、卡拉 OK同足球直播，配套齊全。

■地方夠舒服，係飲酒嘅好地方！

酒水方面，下午 6點前啤酒$78一 Set， 6點後歡樂時光就$118，正價就$198；大酒$780一支，三支就$1,800，所以唔少人會一次過 Order三支，飲唔晒咪留酒下次嚟飲過囉。任飲平日男士 220、女士$150； Weekend就男士$280、女士$220，大路價啦！
講完酒吧，搵靚女傾兩句先， Sandy同 Jamie猜枚一啲都唔弱，嚟猜枚記得唔好食太飽，費事你出醜。問到 Jamie聖誕有乜搞？佢話：「梗係要返工啦，所以係 Friend嘅到時記得嚟飲嘢，等我做嘢之餘，都可以同你哋一齊慶祝吖嘛！」