聖誕好氣氛之三： Bikini Catwalk騷夠火辣 Pink Bar II

如果諗住聖誕包場開 Party，呢間「 Pink Bar II」絕對係一個不錯嘅選擇。就算人數唔足以包晒全場， Book間 VIP房玩一樣好 Happy。卡位舒適，有鏢機有 K唱，設備齊全。不過，聖誕收費就未定，不妨自己落嚟了解吓吖。

問到靚女 Mini聖誕有乜方法搞起氣氛，佢話：「最好梗係搵班火辣嘅 Model嚟行吓 Bikini Catwalk啦！今年冬天應該幾凍，有火辣靚女睇吓，當堂熱血沸騰，咁氣氛一定超好！」咁又係，我都贊成。
至於平日嚟呢度一樣咁好玩，事關呢間場出名靚女多，有猜得又飲得嘅 Mini，仲有靚女熟客 Rainbow，嚟飲酒絕對有機會識到靚女 o架。酒水方面，歡樂時光一 Set啤酒$118，正價$198；大酒$780，$1,800三支。任飲方面，平日男士 220、女士$150， Weekend就男士$280，女士$220。