■呢度啲客人斯文又 Nice，影相？ No problems啦！
上星期返咗深圳蒲，照舊收到香港打嚟嘅推銷電話，但嗰位 Sales有啲唔同，就係唔會好似嗰啲機械人 Sales咁一拎起電話就一輪嘴講嘢，兼夾同我係份屬 Friend底，佢係邊個？之唔係諾士佛臺「 BUBBLES」嘅老闆仔梓聖哥囉！
消費百元有 8蚊
■呢位靚女雙眼大到咁交關，望多眼都會暈。
原來佢間場剛推出咗個「會員 VIP Card」，每儲 1分就等於$1，可以循環用番落間場度，酒反正晚晚都要飲，當然係揀番間有回贈 o架啦！至於點先可以成功拎到積分，方法好簡單：幫襯飲酒囉！每消費滿$100就自動為你 VIP Card增值 8分，餘此類推，平均每人每晚消費三、四嚿水，每次出親嚟都係三五七個人，粗略估計差唔多都成兩嚿水，蒲多兩、三晚……容乜易就儲夠一支 Black Label？所以，我就自願中聖哥嘅「奸計」，即晚去佢個場飲到七彩！
其實，想開 VIP Card儲分只係一個藉口，呢個場本身嘅客人先係我幫襯嘅 Main point。呢個場逢星期三晚嘅 Ladies' Night旺到不得了，就算唔係生到好似林峯咁靚仔都大把運行，無計啦，九龍區好玩又夠氣氛嘅 Clubbing場寥寥可數，唔通真係下下去到老蘭咁遠咩？淨係飲完歸家嗰程的士錢已經動輒嚿幾兩嚿水，我唔好慳番啲子彈落尖沙嘴玩得豪邁啲？
■如此客質，難怪呢個場係九龍區勁受歡迎嘅 Clubbing場。
■想劈酒？大把好腳送你一程啦！
超級無敵大抽獎
雖然呢個場嘅 Ladies' Night入場消費比同區輕輕貴咗少少，男士位位$320，但就可以由晚上 9:30玩到凌晨 4:30。其實我又明白點解梓聖夠膽 Set高少少個價，事關呢度就係有本事吸引唔同範疇嘅靚女嚟打躉，證明有實力啦！
仲有唔夠 10日就係萬眾狂歡嘅聖誕節，所以喺度順帶講埋有關呢幾日嘅收費， 12月 24、 25、 31呢三晚，如果係一早 Book定位的話，飲價男士$380、女士$280；假如閣下係十五、十六嘅人，鍾意臨場一刻先玩 Walk-in的話，咁就要付出多少少，男士$420、女士$320。呢幾晚除咗有 DJ現場打碟， 24號晚仲會有兩位 Model親身派發聖誕禮物畀大家，而 31號晚就有超級無敵大抽獎，獎品會係 iPod touch 4、 iPod nano同 iPod shuffle，真係好吸引咁喎！
■呢間場真係成日都咁多人，又話經濟未實質復蘇嘅？
■有 DJ駐場，氣氛當然係 very good啦！
地址：尖沙嘴諾士佛臺 1號 6樓全層
