聖誕去大場飲酒，自然氣氛好、夠熱鬧，而如果一大班朋友想開 Party，但又唔想包場玩咁高消費，可以諗諗一啲上樓吧，早啲 Book枱，三四張枱連住一齊玩，咁做法係咪抵過包場先。而地點方面，可以諗吓寶勒巷嘅「 AT」，雖然地方唔算大，不過環境都幾高級吓，長梳化坐得舒服唔在講，酒吧設有不少上牆大電視，想唱 K又得，或者睇足球直播都保證無遮無擋。此外，有足以容納十人嘅小偏廳，矮枱就有七八張，仲有間可容納三十人嘅 VIP房，想坐咩位悉隨尊便，夠晒多選擇。酒水方面，呢度出名大節都唔會加價，保證抵飲，歡樂時光$120一 Set啤酒，正價就$195；大酒$850一支，買二送一，一班朋友一晚飲三支真係乜都夠晒皮。
仲有就係唔使怕無人同你哋搞氣氛喎，酒吧有靚女拳手阿 Ling同 Suger，陪大家飲酒猜枚絕無問題。問吓阿 Ling聖誕想點過？「我就梗係想放假約齊班朋友出街玩啦，難得一年先一次，點都要唞唞嘅，而且聖誕通常都好旺場，唔使我哋幫手 Sell酒都得，所以應該有機會放吓假啩！」一聽就知阿 Ling唔係做咗酒吧好耐，大節就算唔使你猜枚，都要幫手搬吓酒啦，放假？係諗吓好啦！
■大酒飲唔晒可以留起下次飲！
■環境高格調，勁有 Clubbing Feel﹗
■吧頭靚仔又有電視睇，同 Bartender吹水都好開心﹗
（地址：尖沙嘴寶勒巷 10號 1樓）
