聖誕好氣氛之六：有人請飲酒一定到 O2

上星期落佐敦的「 O2」吧玩，入到去又有新感覺，細看之下原來飛鏢區移咗位之外，飛鏢機仲換晒最新嘅 Online鏢機，個個排晒隊等掟鏢，直情企喺度等掟鏢嘅仲多過坐喺度飲嘅，問老細 Jerry做乜有咁嘅改動， Jerry哥話：「要與時並進吖嘛，舊式鏢機越嚟越少人掟，新機有得玩 Online之餘，仲有好多 Mini Game，客人永遠都係貪新鮮嘅，你唔轉人哋咪會轉場玩囉。」咁又係，而且呢度話晒都係出名多人嚟掟鏢嘅地方，鏢機點可以 Out o架！聽聞嚟緊聖誕可能會搞個飛鏢比賽，搞起吓氣氛咁啦！


■ Online鏢機有 Mini Game玩，女仔一定 Buy！

■呢度有唔少飛鏢配件俾你選購。


嚟得呢度飲嘢，又點可以唔搵老友阿茵猜兩板呢？順便問吓佢聖誕會點過，「我當然想放假啦，不過，個個客人都好鬼 Friend，見佢哋好似見朋友咁，咁無理由賴低佢哋 o架，最緊要返工有人請飲酒，何樂而不為呢！」咁你都唔好話請，都要猜贏你先有得飲，呢度勝在酒水唔貴，我都請得起嘅，歡樂時光一 Set啤酒$115，正價就$168；馬諦氏就$800一支，買二送一，新裝修，新威士忌，又有新鏢機，點都要嚟一試啦！


■咁多獎盃，證明呢度有不少高手駐場。



■有成三部新機，唔使等好耐就有得玩。


（地址：佐敦廟街 262-264地下）