聖誕就到，諗定去邊度同朋友慶祝未呢！未嘅話，不妨又睇吓今日介紹呢間位於赫德道嘅「 AT」啱唔啱玩喇？呢間出名係尖嘴大場，有地下、一樓兩層之外，仲有個露天酒吧區，啱晒喜歡戶外無拘無束咁飲酒嘅朋友，早啲 Book定仲可以玩埋 BBQ，喺鬧市燒嘢食，感覺都幾特別。地下嗰層酒吧主打 Clubbing、足球直播同掟飛鏢；一樓方面，平安夜當然大開 Party啦！酒吧早就邀請 DJ當晚為大家打碟搞起氣氛，大抽獎梗有喇，獎品方面有最 Hit嘅 iPhone4同芝華士 10支，夠晒豐富。酒水價錢方面，平安夜晚間間都主打任飲 o架嘞，呢度亦唔例外，男士$380、女士$300， 24號前 Book枱就有九折；真係唔想 Join任飲，亦得，啤酒$230一 Set，大酒$750一支。
■地方夠大裝飾自然多，放多幾棵聖誕樹營造吓氣氛，夠晒 Mood。
呢度仲有拳手同大家猜兩板，問到靚女 Miki有乜聖誕禮物好想要？「我最想就梗係當晚抽獎嘅 iPhone啦！自己用又得，賣番出去又得！」不過，你係員工唔玩得呢，咁啦，我嗰晚嚟撐場，如果咁好彩抽到酒嘅話就請你飲啦！又如果抽到電話，你又同我同枱猜緊枚，最多賣出去一人一半分咗佢，算唔話得嘞啩！
■新設有露天吧，可以玩吓 BBQ，約埋一班朋友嚟過聖誕啱晒啦！
■地下靜靜哋， Clubbing最好。
（地址：尖沙嘴赫德道 19-23號地下及 1樓）
