唔好以為蒲得尖沙嘴就一定只有齋飲，呢間吧有個大露台，只要提早 Book定，就可以玩埋 BBQ，而且食物亦夠新鮮入味唔係揸流攤。此外，喺尖嘴區開嘅酒吧，卡拉 OK又點會少，想玩得私人啲？又係早啲 Book間 VIP房，價錢雖然比大廳貴少少，不過一年一次，無所謂啦！
至於收費方面，聖誕節 24同 25號，男士任飲$350、女士$250，如果想加 BBQ，每位都係加多$50，就可以任食三個半鐘。真係超抵，起碼大家慳番個又貴又唔抵嘅聖誕晚餐先啦！
■地方企理，而且裝飾得好有氣氛。
至於收費方面，聖誕節 24同 25號，男士任飲$350、女士$250，如果想加 BBQ，每位都係加多$50，就可以任食三個半鐘。真係超抵，起碼大家慳番個又貴又唔抵嘅聖誕晚餐先啦！
介紹完酒吧，當然要介紹埋靚女俾大家識，佢就係侍應妹妹湯圓，人如其名，笑起嚟真係好鬼甜，臨近聖誕問吓佢最想要乜嘢聖誕禮物？「聖誕禮物就梗係多嘢想要啦，電話、電腦、手袋、飾物係女仔都無任歡迎，不過，講真嘅話，最好都係忙完聖誕節後放番兩日假唞番吓最實際！」
■上牆有多部電視，唱 K時行勻全個大廳都得。
■加$50有埋 BBQ，我覺得好抵玩！
（地址：尖沙嘴漆咸道南 53-55號嘉芙中心 4樓）
