設備方面，卡拉 OK、足球直播一應俱全，仲加咗兩部新 Online鏢機，一定啱玩！酒水點計呢？先講吓嚟緊除夕點收費，基本上唔使諗一定係任最抵，男$350、女$250；當然你堅持散叫都得，啤酒$218一 Set，大酒$880一支。除夕當然唔少得大抽獎，獎品包括 Netbook、大酒，再貴啲都有，一於嚟行番個新年運啦！
就算無抽獎運都唔緊要，上得嚟，一定有運行，起碼可以識到靚女 Hayley。大家唔好以為靚女就一定好屎枚，小心俾佢殺到你一頸血！問 Hayley收到乜嘢禮物，「邊有得收？噚晚飲到 4點幾，唔貓住走都好好啦！就算有禮物都唔知『劈』咗喺邊囉！」嘩！飲到斷片咁犀利？咁就唔好俾佢停，我都送支大酒畀你飲晒佢，「嘩！咁客氣呀！」
■除夕大抽獎，成部 Netbook等你嚟攞。
■最新 Online鏢機呢度一樣有得掟。
■落足心機佈置，夠晒節日氣氛！
（地址：尖沙嘴漆咸道南 53-55號嘉芙中心 3樓）
