其實，酒吧舒服有氣氛就更重要，好似「 Corner」咁，位於木球會對面，環境清靜，上得嚟個個都斯文大方，設備有最新 K歌又有飛鏢機，有 VIP房有大廳亦有偏廳，啱晒大班朋友嚟 Hea足一晚。酒水方面，歡樂時光$108一 Set，正價$158，大酒有兩款，$988一支加 3個小食再加 12支啤酒，或者$1,988三支加 5個小食同 24支啤酒，呢兩個大酒餐真係抵飲 o架！
唯一差少少就係呢度不設拳手，不過，都有靚女 Promoter Darlie招呼大家。幫靚女嗌咗 Set酒，順便問埋佢對美斯攞獎有乜意見，「我知，金球獎美斯攞咗。幾合理呀！起碼你問親女士識美斯定識沙維，我諗多數都只會識美斯，淨係呢樣都夠晒資格攞獎啦！」
■吧頭兩旁都有鏢機，分開咗唔怕掟過隔籬啦！
■偏廳仲可以望到木球會景。
■大酒餐最抵，所以酒吧大酒存貨都唔少！
■大廳夠大，人多都一定坐得舒服。
（地址：尖沙嘴柯士甸道 140號至 142號瑞信商業大廈 1字樓）
