另外，呢度勝在靚女多，隨手截住 Gigi同 Maggie影相，靚女十分 Nice無架子，問吓佢哋點睇金球獎， Gigi：「講人氣就梗係美斯贏晒，踢波最緊要都係個前鋒啫，選美斯都好合理！」 Maggie：「而且，有大部份票都係來自球員同領隊，其實都好易明。事關沙維同恩尼斯達代表西班牙贏世界盃，仲唔係眾矢之的？人嘅心理就係咁 o架啦，贏嘅我就唔幫，於是，多數投晒美斯一票，一啲都唔奇吖。」嘩！有啲陰謀論喎，估唔到靚女講波都咁有見地。
■小食款式多，佐酒一流。
■門口明碼實價，無呃你。
■酒吧長方形單邊梳化設計，勝在幾多人都唔覺逼。
■飛鏢區自成一國，最啱一班朋友搞比賽玩吓。
（地址：太子花園街 221號地舖）
