「但我就唔同意嘞！」「 Metal Bar」靚女 Cookie講：「我就覺沙維實至名歸多啲，你睇吓唔少精采入波都係靠沙維助攻；無沙維嘅靚波，有美斯都無用啦！加上沙維代表嘅西班牙又係世界盃盟主，賽果有無出人意表就大家心照啦！」算啦，唔選都選咗咯，話唔定出年就係沙維攞呢？我哋都係飲吓酒、猜兩板好過啦！
講番今日介紹呢間吧，絕對係太子嘅人氣旺場，唔使到 Weekend都有唔少熟客捧場，特別係飛鏢區，雖然唔係話全新嘅 Online機，不過都有好多人掟鏢，其次大廳嘅卡拉 OK一樣新歌快又多。男士劈酒、女士高歌，各得其所，係呢度慣常之事，加上酒水又唔貴，歡樂時光$108一 Set啤酒，正價就$168；大酒$680，全包 Mixer，呢個水位 OK，無得彈啦！
■酒水平，小食都好抵， Order兩三碟送酒一流！
■小本生意，切勿掛單！
■飛鏢區周不時爆場，想掟鏢就要早啲嚟霸靚位。
■大廳有多部大電視，坐邊都睇得一清二楚。
（地址：太子西洋菜北街 312號地下）
