■見到佢，我有理由相信呢個場嘅靚女指數高達 70分或以上。
點解我會對呢間位於地庫嘅酒吧咁情有所鍾？全因呢度打正牌頭玩 Live Band，成個場嘅 Mood勁有八十年代紅極一時嘅酒廊 Feel，每粒鐘都有樂隊現場演奏，唔少得嘅當然有埋酒廊歌手現場演唱啦！講真，無論幾優質嘅音響都好，一拍埋 Live Band，音質都不可同日而語。喺呢度，我絕對享受到原汁原味嘅音樂，就算偶爾彈錯音都好，但正係有缺陷先顯得音樂嘅原始味道。
講完呢間場嘅 Feel同 Mood，就當然要講吓靚女指數，雖然呢個場只係開咗個幾月，在下都只係去過一次咁大把，但就幾乎已經可以好肯定咁講，呢個場嘅靚女指數高達 70分或以上，唔係講笑，真係撞口撞面都係啲嗒得杯落嘅靚女，齋 Talk你哋可以唔信，但家陣真係圖文並茂咁證明在下一字一句都所言非虛喎！
■呢度嘅 K房音響十分唔錯。
■現場 Live Band吧又有興番嘅趨勢，大家準備好未呀？
消磨得好充實
■呢位咁 Sweet嘅姑娘仔，就係呢間吧嘅駐場歌手，失敬失敬！
值得一提嘅係，雖然呢個場擺明車馬以聽 Live音樂為主題，但齋聽人哋唱歌，自己無得參與的話，又好似有少少美中不足，雖然話呢度歡迎上台客串 Jam番兩首，但真係唔係咁多人夠膽上台唱 Live，所以老闆就好細心咁設有一間卡拉 OK房，呢間 K房坐廿幾三十人都唔成問題，而且超多歌選擇，尤其係舊歌方面更加係應有盡有，保證閣下過足 K癮。
聽歌同唱 K都算係比較靜態嘅活動，如果想玩得動態啲的話，可以吼準大堂 Live Band表演時間出去跳番兩 Part舞，牛仔、 Tango都不成問題，絕對唔需要玩怕醜嗰隻，因為呢度大把人都係咁跳，唔一定係舞林高手都可以跳餐飽，無人會笑你嘅。之但係始終都過唔到自己嗰關，自覺完全無跳舞天份的話，咁就不如去掟番盤鏢；再唔係，埋吧頭撩吓靚靚員工 Joey吹水，一晚時間都可以消磨得好充實。
■呢度有大量呢類斯文靚女嚟 Hea。
■啤酒女郎點解笑得咁開心？因為我幫佢 order咗兩 Set啤酒囉！
地址：尖沙嘴堪富利士道 12號地庫全層
